Me startar med opp med damefotball kvar torsdag i gymsalen på Sundve, klokka 18.30-20.00. 

Dette er eit lågterskel og gratis tilbod for alle kvinner. Om det er interesse for det, planlegg dei å halde fram med treningar ute når våren kjem.

Fyrste trening vert allereie fyrstkomande torsdag 12.2. 

Kontaktpersonar og iniativtakarar er Marit Knapstad Tveite og Velaug Ure

Legg gjerne til gruppa på appen Spond. Gruppekode: SWRUL

Oppstart av damefotballtreningar

Skigruppa inviterar til hopprenn og krossrenn fyrstkomande sundag 8/2 klokka 12.00. Me vonar mange tek turen til det flotte anlegget vårt på Framnes. Alle bakkane (K5 - K10 - K22 - K26 og K 55) er klare til bruk og det er fine forhold for tida.

Start prøveomgang klokka 12.00 og det vert krossrenn etter hopprennet.&nbsp;

Premieutdeling for både hopp og kross. Her blir det premiar til alle!

Det er heilt gratis å vera med, men kjøp gjerne litt i kiosken. Her kan me frista me sal av kaker, kaffi og saft. Betaling på vipps.&nbsp;

Påmelding innan fredag på SMS til 904 19 991(Magne Sørestrand) eller skilaupar@gmail.com

Hopp og kombikrossrenn på Framnes

Det vert ordinært årsmøte i Eldar 8.mars klokka 18.00 i Sambygg.&nbsp;

Det vert utdeling av stipend og pokalar, vanlege årsmøtesaker og innkomne saker.&nbsp;

Har du ei sak du ynskjer å ta opp? Send denne til styret@eldar.no innan 22.februar

Saksliste og dokument blir publisert 14 dagar før.

Årsmøte 8.mars

Faktura for 2026 vart sendt ut til alle våre medlem i går. Etter vedtak på årsmøte i 2025 er kontingent oppjustert til 250kr for enkeltmedlemsskap og 500kr for familiemedlemskap.&nbsp;

Viss ikkje du har fått faktura, så er det fordi:&nbsp;

* Fakturaen har gått til den andre føresette i familiemedlemsskapet

Skulle det vera det siste punktet, så kan du melde deg inn her:&nbsp;<a href="https://medlemskap.nif.no/SelectActivity/Index/25331">https://medlemskap.nif.no/SelectActivity/Index/25331</a>

(Innmeldingsida er no oppe og går igjen, etter å ha vore ute av drift sidan nyttår)

Om du ikkje har fått lagt til alle i husstanden eller har andre utfordringar, så kan det meste ordnast inne på <a href="http://minidrett.no">MinIdrett</a>

Får du problem med noko, så er det berre å ta kontakt på post@eldar.no

Medlemskontingent for 2026 er sendt ut

Herrelaget satsar vidare, men ynskjer fleire spelarar

Dei fleste brikkene byrjar å kome på plass og 2026 vert tredje sesong på rad Eldar stiller lag i 7.divisjon. Det meste rundt laget vert slik som tidlegare. Gaute Almeland vert hovudtrenar og Henning Gjerald held fram som assistenttrenar og fysisk trenar. Britt Ragnhild Gjerald vert kontaktperson, medan Sander Nåsen Neteland vert SoMe ansvarleg.&nbsp;

Spelargruppa er nokså uendra, men me såg utover hausten at me vart litt for få. Særskilt vart det merkbart når me fekk nokre skadar på eit par av nøkkelspelarane. Difor ynskjer me å rekruttere nokre fleire for å sikre at me har eit slagkraftig mannskap heile sesongen, samt sørge for at Sveinung av og til kan få litt selskap på benken. 

Hovudfokuset vårt er trivsel, samtidig som me ynskjer å utvikle både laget og enkeltspelaren. Både spel- og poengmessig har me forbetra oss kvar sesong, men me har diverre mangla det siste ekstra i mange kampar for å bikke tap over til siger. Kanskje er det du som har dette ekstra?

Trening to gonger i veka i perioden januar - oktober (Oppstart i slutten av januar)

Stiller på 15-20 kampar (Bortekampane er stort sett i Bergen)

Betalt medlemsskap i Eldar (200kr) og treningsavgift (1800kr)

Har lest sportsplanen (ligg vedlagt).&nbsp;

Stiller spørsmål om du lurar på noko.&nbsp;

Om du ikkje ynskjer/klarar å stille opp så ofte som forventa, så ynskjer me også etablere ein liten "pool" med bonusspelarar. Dette er spelarar som ynskjer å vera med på treningar når dei kan og bidreg på kampar når me manglar spelarar.

Høyrest dette spennande ut, ta kontakt med Gaute Almeland (Tlf 479 59 3499 eller kaptein Adrian Mala Kvåle (Tlf 458 45 217), eller kven som helst andre i laget.&nbsp;

Herrelaget jaktar på nye spelarar

Me vil også i vinter ha eit alpintilbod til ungane i Eldar IL, og vil difor gjerne vite kven som ynskjer å delta.

Tilbodet gjeld i utgangspunktet for ungar i frå 1. klasse til og med 4.klasse.

Dei som er interessert lyt ta kontakt med Ståle Hirth tlf 950 81 902 eller på mail:

Viss det er nokon foreldre som har innspel på kva som er ynskjeleg at me skal tilby er det fint om de seier i frå.

Bli med på alpintrening i vinter!

Elevar på Vossestrand BUS som er medlem i laget får allereie gratis sesongkort av Myrkdalen. No vert det også gratis skibuss kvar laurdag frå krysset på Stalheim!

Dette er ein del av eit grønt mobilitetsprosjekt Myrkdalen samarbeidar med Voss herad og Visit Voss om.&nbsp;

Fyrste avgang vert 27.12 og ein må førehandsbestille. All info du treng finn du her:

https://www.norwaysbest.com/booking/no/se-gjore/2796066/skibuss-stalheimskrysset-myrkdalen/showdetails?page=10&amp;_gl=1*j6v0pi*_up*MQ..*_gs*MQ..&amp;gclid=CjwKCAjw-qi_BhBxEiwAkxvbkGu8uUK1qLiBXmF4nTcl89sylw_HNgJHWy4BZ56NilTDhvsy5b7gARoCnzcQAvD_BwE

Nytt skibusstilbod for born og unge

Seimen AS har vore hovudsponsor og ein viktig samareidspartnar i mange år. Dei vert også med på laget når me no skal byggja klubbhus. Dagleg leiar Eirik har sjølv gitt oss god rettleiing og hjelp gjennom heile prosessen og no er me utruleg glade for å formelt kunne signere avtale om bygging. Prosjektet har ei totalramme på 4.8 millionar (eks.mva) og byggestart blir allereie til våren!&nbsp;

Seimen har ikkje berre støtta oss med rettleiing, me får også raus økonomisk støtte. Dei gjev oss 300 000kr i støtte til prosjektet, i tillegg til omlag 500 000kr i rabatterte prisar. Heilt enormt, tusen takk!&nbsp;

Med stor støtte frå både Voss Sparebank og Seimen føler me oss trygge på at me kjem til å kome i mål med finansieringa, men det trengst framleis meir midlar inn til innkjøp av t.d. inventar osv, så me nyttar anledninga til å minne om spleisen vår. https://www.spleis.no/project/461110

Om du har ei lita eller stor bedrift, så ynskjer me gjerne å få på plass fleire sponsorar. Ta kontakt på sponsor@eldar.no så lagar me ei sponsorpakke tilpassa di bedrift.&nbsp;

Til slutt vil me gjerne oppmode alle våre medlem og strendingar elles om å ta jolahandelen på Vinjo i år. Hjå Seimen finn du alt du treng innan byggevare og mykje anna som trengst i heimen. Og har du eit byggeprosjekt på gang, gjer som oss og snakk med Eirik.&nbsp;

Avtale om bygging av klubbhus signert!

Medan me ventar på snøen, så kan du allereie no legge til spondgruppa "Skileik på Framnes".&nbsp;

Eller tast inn koden MHNVZ direkte i appen.&nbsp;

Her får du alt av treningstider og informasjon som du treng.

Bli med på skileik i vinter!

Allidrettsgruppa startar opp igjen 3.November. I år vert det tilbod for førskuleborn, 1 og 2 klasse, samt 3 og 4 klasse. I tillegg startar me opp eit heilt nytt tilbod for 3 og 4 åringar, dei har fått treningstid på sundag og fyrste økt vert 2.november.&nbsp;

Allidrett er eit variert
aktivitetstilbod, der borna får prøve ulike idrettar og aktivitetar. Varierte
og allsidige aktivitetar gjev barna eit godt utgangspunkt for å kunne delta i
fleire idrettar seinare, og stimulere dei fysisk, motorisk, sosialt og mentalt.


I år får med oss tvillingane
Ingrid og Marit Knapstad Tveite som faste trenarar for gruppene som trenar på
måndagar. Dei vil setje saman varierte treningar, med hovudfokus på kjekke og
gode økter tilpassa aldersgruppa. Nytt av året er at me også startar opp med
treningar for dei som er født i 2021 og 2022. Trenar for dei vert Anja Klingen.

Alle øktene blir i gymsal
på Vossestrand Barne- og Ungdomsskule.

Sundagar: 10:00 – 11:00.
Fyrste trening 2.November.

Kontaktperson: Anja
Klingen Tlf: 991 03&nbsp;265

NB! Føresett må vera
tilstade på treningane.

Måndagar: 16:30 – 17:30.
Fyrste trening 3.November

Trenarar: Ingrid og Marit
Knapstad Tveite

Kontaktperson: Monica
Seim Bidne Tlf: 991 55 423

NB! Føresett må vera
tilstades på treningane. 

Treningstid måndagar
17:30 - 18:30. Fyrste trening 3.November

Kontaktperson: Gina Ure
Søtvik Tlf: 415 07 991

Treningstid måndagar 1830-1930. Fyrste trening 3.November

Kontaktperson: Lisbeth
Hirth Tlf: 951 17&nbsp;624

All informasjon om
treningar og slikt finn du på Spond-gruppa til allidrett. Last ned appen på
telefon. Gruppekode er: UYZTM

Det vert ei felles Spond-gruppe,
med undergruppe for kvar aldersgruppe. Fellesbeskjedar vert delt i hovudgruppa.


Både ungar og føresette
må vera medlem i Eldar IL for å delta på våre aktivitetar. Det kostar 400kr for
familiemedlemsskap og de kan melde dykk inn her: <a href="https://medlemskap.nif.no/25331">https://medlemskap.nif.no/25331</a> Hugs å legge til alle i husstanden!

Gruppestyret har i år
vedteke ei treningsavgift på 200kr. Faktura for dette blir sendt ut i MinIdrett
og på mail.

Me gler oss til å
kome i gang og håpar mange vert med på kjekke treningar i gymsalen
på Sundve. Vel møtt!

Bli med på allidrett!

Kl 12.00 får me fint besøk frå Voss Sparebank.

Det blir utdeling av gåve til alle barne-
og ungdomslag i etterkant av kampane.

Kjekt om de kjem og er med heile
dagen, ser dei andre kampane og heiar.

Ber om at&nbsp;foreldre er med
å organisera banar fortløpande under arrangementet. 

Klesleverandøren vår, Macron kjem og har stand med ulike kle og ekstra gode kampanjeprisar(50%!).&nbsp;

Sjekk ut nettbutikken:&nbsp;https://eldar.macron.no/klubbshop

Velkomen til fotballens dag!

Eldar vedtek bygging av klubbhus, milliongåve frå Voss Sparebank avgjerande

Omframt årsmøte vart gjennomført 1.10. i Sambygg og bygging av nytt klubbhus på Sundve stod på sakslista. Dette er eit stort og kostbart prosjekt for eit frivillig lag å setje i gang, men like fullt er det eit stort behov for laget generelt, og fotballgruppa spesielt. Me treng eit skikkeleg klubblokale på Sundve. 

Heldigvis har me gode støttespelarar som bidreg til å gjera det umoglege mogleg. Våre to hovudsponsorar, Voss Sparebank og Seimen AS har verkeleg stilt opp for oss her. Voss Sparebank har gjeve oss heile 1 million kroner i ålmenn gåve til prosjektet! Dette er truleg den største gåva idrettslaget har fått nokon gong, tusen takk! 

Seimen AS på si side sponsar oss med 300 000kr, i tillegg til at dei har sørga for gode prisar på prosjektet. Dette gjev oss ein finansiell tryggleik til å setje i gang med bygginga.&nbsp;

Når det er sagt så treng me framleis meir midlar inn for å redusere lånegraden mest mogleg og me lyt også jobba for å auke driftsinntektene til laget samla sett for å sikre ei forsvarleg og god drift framover. Me lyt også ta høgde for at det på sikt må gjerast andre store investeringar, som til dømes byte til nytt miljøvenleg banedekke på Sundve. Hovudstyret kjem til å jobbe aktivt framover for å få til dette, mellom anna med å opprette spleis og kontakte bedrifter ang. sponsing. Me vil gjere det me kan for å halde foreldrekostnaden så låg som mogleg.&nbsp; &nbsp;

Ingrid og Marit ynskjer seg fleire lagveninner!

Difor startar dei rugbyfrelste tvillingane opp med lågterskel damerugby på Sundve!&nbsp;Framover blir det damerugbytrening kvar onsdag på Seimen-bana klokka 19:30. Open for alle jenter/kvinner over 10 år, inga øvre aldersgrense.&nbsp;

Ingen førehandskunnskap nødvending, Ingrid og Marit læra deg alt du treng. Hovudfokuset vert touch og tag rugby, dvs rugby utan taklingar. Ein trygg, men veldig kjekk variant av rugby.&nbsp;

Har du spørsmål, send oss ein mail på rugby@eldar.no eller på facebook. Legg oss gjerne til på Spond. Bruk koden TRHSB.&nbsp;

Innkalling til omframt årsmøte angåande nytt klubbhus 1.10.2025

Hovudstyret vil me dette kalle inn til omframt årsmøte 1.10.2025 klokka 20.00 i Vossestrand Sambygg.&nbsp;

1:&nbsp;Godkjenning av dei røysteføre medlemma

4: Val av to medlem til å signere protokollen

Styret legg fram saka og presenterer prosjekt klubbhus.

Styrets forslag til vedtak: Årsmøte i Eldar IL vedtek å bygge nytt klubbhus på Sundve og godta tilbodet frå Seimen AS.&nbsp; &nbsp;

Styrets forslag til vedtak: Årsmøte vedtek styrets forslag til finansieringsplan for bygging av klubbhus.

For å kunne ta opp lån må årsmøtet gje fullmakt til å
signere lånedokument, gjeldsbrev og pantedokument i samband med opptak av lån
til finansiering av klubbhus i påvente av utbetalingar av spelemidlar og mva.&nbsp;Fullmakta
gjeld for gjeld, og pantsetjing av gnr. 282, bnr. 14, i Voss herad for inntil
kr. 3 000 000,-

Styreleiar Isak Hommedal og kasserar Terje Hole får fullmakt til å
signere lånedokument, gjeldsbrev og pantedokument i samband med opptak av lån
til finansiering av klubbhus i påvente av utbetalingar av spelemidlar og mva.&nbsp;

Fullmakta
gjeld for gjeld, og pantsetjing av gnr. 282, bnr. 14, i Voss herad for inntil
kr. 3 000 000,-

Sak 8.3 Godkjenne innsending av spelemiddelsøknad for bygging av klubbhuset.&nbsp;

Årsmøte vedtek at det skal sendast inn spelemiddelsøknad.&nbsp;

Innkalling til omframt årsmøte

I år er det heile 63 lag påmeldt til cup og me gler oss stort til å ta i mot fleire hundre ivrige, unge fotballspelarar på sundag. Kampoppsettet finner du her, eller du kan laste ned vedlegget under.&nbsp;

Vêrmeldinga ser førebels nokså grei ut, men det er fare for litt regn på føremiddagen. Ta gjerne med campingstolar, det vil vera råd for publikum å sitje under tak om vêret skulle svikta litt.&nbsp;

Kiosken er open heile dagen og toalett finn du inne på skulen. Det er litt begrensa med parkeringsplassar, så fint om de samkøyrer til Sundve. Det er bra for miljøet også.

Fotballgruppa gler seg til å sjå akkurat deg og ditt lag i aksjon på Seimen-bana på sundag!&nbsp;

Kampoppsett til serieturnering 14/9

Hovudstyret vedtok 24.8 å utsetje omframt årsmøte 27.8. Det er ikkje noko dramatikk bak dette, men styret treng litt meir tid for å få alle detaljar på plass før me er klare til å presentere prosjektet for medlemma våre.&nbsp;

Det vart kalla inn til nytt årsmøte i løpet av hausten. Invitasjon vil bli lagt ut på heimesida og på facebook.&nbsp;

Omframt årsmøte utsett

Ein snøfattig vinter gjev ein tidleg vår og no er grasbana i Haugsvik klar for ivrige rugbyspelarar. Me tek ein liten dugnad før treninga i kveld for å setje alt i stand til ny sesong.&nbsp;

Treningstid vert 18:30 - 20.00 framover og den er open for alle aldrar.&nbsp;

Rugbytrening i Haugsvik

Rugbygruppa startar opp med treningar igjen

Framover vert det treningar på onsdagar klokka 19:00 på Sundve. Ope for alle i alle aldrar. Legg gjerne til rugbygruppa på Spond for oppdatert informasjon og arrangement. Gruppekode TRHSB (Indre Vestland rugby).

Fyrste trening vert alt i morgon, onsdag 2.4.

Bli med på rugbytrening!

BT.no sender 1.runde i Ballspark-cupen direkte frå Seimen-bana

Etter publikumsrekord og god stemning i fjor, kjem Bergens Tidende og Ballspark-gjengen no attende til Sundve. 

23.April klokka 19:30 er tida inne for nok eit cupdrama på kunstgraset. Ekstra stas er det at motstander er Fyllingen. I 1990 spelte dei NM-finale mot Rosenborg, medan det i 2025 vert 1.runde i Ballspark-Cupen mot oss. I fylgje Knut Høibraaten i BT skal dei slå oss enkelt, men cup er cup. Me skal prøva å bita godt i frå oss!

Me håpar mange tek turen den 23.April. Det vert open kiosk, sal av supportar-effektar og generelt god stemning. Litt begrensa parkeringsplassar på skulen, så me vil gjerne oppmoda om å samkøyra.&nbsp;

Cupkampen mot Fyllingen blir TV-sendt!

Årsmøte for 2024 vert halde i Sambygg klokka 1900

Opning av årsmøte for Eldar IL året 2024

Årsmøtet vil bli opna av styrets leiar Isak Hommedal. Utdeling av Hordalands-pokalen, beste gut/jente 13 år, samt utdeling av stipend.

Sak 1:&nbsp;Godkjenning av dei røysteføre medlemma

Sak 2:&nbsp;Val av dirigent

Forslag til vedtak:&nbsp;Styret foreslår Isak Hommedal som dirigent.

Sak 3:&nbsp;Val av protokollførar

Forslag til vedtak:&nbsp;Styret foreslår Lisbet Hirth som protokollførar.

Sak 4: Val av to medlem til å signere protokollen

Sak 5:&nbsp;Godkjenning av forretningsorden

Forretningsorden ligg vedlagt.

Sak 6:&nbsp;Godkjenning av innkalling

Det skal avklarast om årsmøtet godkjenner innkallinga. Innkalling vart lagt ut på eldar.no 21.1.2025 og delt på sosiale medium for å nå ut til medlemma våre.

Sak 7:&nbsp;Godkjenning av sakslista

Endeleg saksliste vart publisert 16.2.2024 på heimesida vår.

Sak 8:&nbsp;Godkjenning av styrets forslag til årsberetning

Sak 9:&nbsp;Behandle idrettslagets rekneskap, styrets økonomiske beretning og revisors beretning

Rekneskap, styrets økonomiske beretning og revisors beretning ligg vedlagt.

Sak 10.1&nbsp;Innkomen sak: Avvikling VAR i norsk fotball

Forslagstillar: Stig Anders Hauge

Forslag til vedtak: "Dersom Eldar IL skal sende ein delegat til fotballtinget så skal denne delegaten stemme for å avvikle VAR i norsk fotball.

Styrets innstilling: Hovudstyret har vedtatt Eldar skal sende ein delegat til fotballtinget. Styret ynskjer ikkje å kome med ei innstilling i VAR-spørsmål og let årsmøte få avgjere dette på fritt grunnlag.

Sak 10.2 Innkomen sak: Orientering om prosjekt klubbhus på Sundve

Forslag til vedtak: Årsmøte tek saka til orientering. Hovudstyret ynskjer å kalla inn til eit omframt årsmøte om dette når ein har eit konkret forslag klart.

Sak 11:&nbsp;Fastsetje medlemskontingent og treningsavgift

Forslag til vedtak: Styret foreslår å auke medlemskontingenten til 250kr for enkeltmedleskap og 500kr for familiemedlemskap. Styret foreslår at gruppestyrene får fullmakt til å fastsetje treningsavgift sjølve.

Sak 12:&nbsp;Vedta budsjett for 2025

Styret legg fram forslag til budsjett.

Forslag til vedtak: Årsmøte vedtar budsjett for 2025

Sak 13:&nbsp;Handsame idrettlagets organisasjonsplan

Styret legg fram forslag til organisasjonsplan.

Nokre endringar på tal styremedlem i fotballgruppa, skigruppa og rugbygruppe.

Forslag til vedtak: Årsmøte vedtar oppdatert organisasjonsplan.

Sak 14:&nbsp;Representantar til ting og møter

Forslag til vedtak: Hovudstyret får fullmakt til å oppnevne representantar til ting og møter.

Sak 15:&nbsp;Val

Innstilling frå valkomité ligg som vedlegg.

Sak 16:&nbsp;Avgjer om det skal engasjerast revisor

Styret foreslår at det ikkje vert engasjert revisor då omsetninga til Eldar IL er under 5 millionar. Kontrollutvalet får ansvaret for å revidere rekneskapen.

Møtet er gjennomført. Er det kommentarar til gjennomføring av møtet?

Sakliste og dokument til årsmøte 23.02.2025

Hovudstyret kallar me dette inn til årsmøte i Eldar IL.

Årsmøtet vert halde i Vossestrand Sambygg 23.februar 2024 klokka 19.00.

Saker som eit medlem ynskjer å behandle på årsmøtet, må sendast til hovudstyret innan 9.februar 2024 til e-post adressa: styret@eldar.no

Fullstendig sakliste med alle saksdokument vil bli gjort tilgjengeleg seinast ei veka før årsmøtet på www.eldar.no

For å ha røysterett og kunne veljast til verv må ein ha vore medlem av Eldar IL i minst ein månad, fylla minst 15 år i det kalendaråret årsmøtet vert halde, og ha gjort opp sine økonomiske forpliktelsar til Eldar IL. Alle medlem har uansett møterett, talerett og forslagsrett.

Ved spørsmål som gjelder årsmøtet, ta kontakt med leiar Isak Hommedal på tlf 91876590 eller post@eldar.no.

Hovudstyret&nbsp;&nbsp;

Innkalling til årsmøte i Eldar IL for 2024

Kontingent for 2025 er no sendt ut på mail og minidrett

Kvifor er me så tidleg ute i år?

På årsmøte i fjor vart det vedteke å endre faktureringstidspunkt til før 1.februar kvart år. Me trur det er enklare å forhalde seg til for både hovudstyret og medlemma våre.

Pris er den same som tidlegare år: 200kr for enkeltmedlemsskap og 400kr for familiemedlemskap(inntil 8 familiemedlem). På fakturaen så blir prisen delt etter kor mange familiemedlem som står oppført, men merk at det kostar det same uansett om ein er 2 eller 8 i familien. Grunna NIF-reglement så må eit medlemskap koste minimum 50kr, så om du har fleire enn 8 stk i din familie må du ta kontakt med oss.

For å administrere ditt medlemsskap i Eldar IL, må ein ha brukar i minidrett.

Har du allereie brukar kan du logge inn her:&nbsp;<a href="https://www.minidrett.no/">Minidrett-Logg inn</a>

Om du må registrere ny brukar finn du rettleiing her:&nbsp;<a href="https://www.idrettsforbundet.no/en/digital/minidrett/brukerveiledning/hvordan-opprette-profil/">MinIdrett-Ny brukar</a>

For barn under 15år er det foreldre som må registrere barnet i MinIdrett:&nbsp;<a href="https://www.idrettsforbundet.no/en/digital/minidrett/brukerveiledning/hvem-skal-ha-idrettens-id/">MinIdrett-Kven skal ha idrettens id?</a>

Er du utanlandsk statsborgar? Følg rettleiinga her:&nbsp;<a href="https://www.idrettsforbundet.no/en/digital/minidrett/brukerveiledning/utenlandsk-statsborger/">MinIdrett-Utanlandsk statsborgar</a>

Me har gjort vårt beste for å sørge for at familierelasjonane er mest mogleg korrekt, men me veit at her er det ein del feil og manglar i registeret vårt. Det kan vera at ikkje alle ungar eller føresette har kome med i familiemedlemsskapet. Dei kan ein sjølv legge til i Minidrett:&nbsp;<a href="https://www.idrettsforbundet.no/en/digital/minidrett/brukerveiledning/legg-til-barn/">MinIdrett-Legg til barn</a>. Dette gjeld for barn inntil 15år.

Om ein manglar nokon over 15år i familiemedlemsskapet, kan ein legge dei til her:&nbsp;<a href="https://www.idrettsforbundet.no/en/digital/minidrett/brukerveiledning/legg-til-familiemedlem/">MinIdrett-Legg til familiemedlem over 15år</a>

Ynskjer ein å fjerna nokon frå familiemedlemsskapet gjer ein det her:&nbsp;<a href="https://www.idrettsforbundet.no/en/digital/minidrett/brukerveiledning/fjerne-familierelasjon/">MinIdrett-Fjerne familierelasjon</a>

For familiar med t.d. skilte føresett o.l. lar me det vera opp til kvar einskild å handtere dette og organisere det slik ein sjølv ynskjer i minidrett.

Korleis melde seg inn eller ut av Eldar IL?

Eldar IL godtek inn- og utmelding i mindrett.

Innmeldingsskjema finn du her:&nbsp;<a href="https://medlemskap.nif.no/Start/Index/25331">MinIdrett-Innmelding</a>

Melder ein inn fleire familiemedlemmar, må ein gjennomføra prosessen for kvar einskild.

Hugs å huk av for alle idrettar ein er eit aktiv medlem av.

For å melde seg ut av idrettslaget eller ein av idrettane, nytttar ein denne lenka:&nbsp;<a href="https://www.idrettsforbundet.no/en/digital/minidrett/brukerveiledning/hvordan-melde-ut/">MinIdrett-Utmelding</a>

Kvifor er det viktig at alle er registrert som medlem?

Alle barn som er registrert som medlem i Eldar IL har barneidrettsforsikring:&nbsp;<a href="https://www.idrettsforbundet.no/klubbguiden/drifte-et-idrettslag/okonomi/forsikring/">Forsikring</a>. Denne er gyldig fram til den dagen barnet fyller 13 år. For dei over 13 år er det litt ulike ordningar avhengig av kva idrett dei utøver. Fotballaga har lagsforsikring f.eks, i andre idrettar må ein gjerne betale lisens for å vera forsikra i konkurranse. Felles for alle ordningar er at ein må vera medlem i idrettslaget, viss ikkje har ein ikkje noko dekning!

Eldar får kvart år utbetalt midlar avhengig av kor mange aktive medlem ein har. Eit døme på dette er lokale aktivitetsmidlar. Då er det viktig at alle aktive medlem er registrert. NIF har definert kven som er aktive eller ordinære medlem her:&nbsp;<a href="https://www.idrettsforbundet.no/digital/klubbadmin/medlem/medlemmer-og-aktive-hva-er-forskjellen/">Medlemmar og aktive - Kva er skilnaden?</a>

Me ynskjer gjerne at heile familien er registrert som medlem, sjølv om ein kanskje ikkje er eit aktivt medlem akkurat no. Me er eit 100% friviljug idrettslag og er heilt avhengig av å få foreldre til å vera trenarar, lagleiarar og styremedlem for å nevna noko. Får ein ei regelmessig rolle i laget, så må ein ha medlemsskap i Eldar.

Kvifor bør ein bli medlem av Eldar IL?

Fyrst og fremst håpar me har eit aktivitetstilbod som freistar og at du finn ein aktivitet du trivst med hjå oss. På Vossestrand er omtrent all organisert aktivitet samla i eit idrettslag. Om det er ein idrett eller aktivitet du saknar, så ta gjerne kontakt med oss på post@eldar.no, så kanskje me kan få til ei ny gruppe. Me har eit sterkt ynskje om å ha eit breitt og aktivt idrettstilbod som passar for alle.

ÅRSMØTE I ELDAR IL