Eldar IL heldt årsmøte 8.mars

Eldar IL heldt årsmøte 8.mars

Eldar IL heldt årsmøte 8. mars 2026 i Sambygg på Vossestrand, med 13 røysteføre medlemmar til stades. Møtet vart leia av styreleiar Isak Hommedal, som også opna samlinga med utdeling av prisar, pokalar og stipend.

Blant utmerkingane som vart delte ut, var vandrepokalane til Tuva Ure Totland og Sivert Jordalen, medan Eirik Ulvund og Guro Blikberg Gjerald fekk stipend. Sistnemnde vart også tildelt Hordalandspokalen. Samstundes vart Terje Hole takka av etter mange år som kasserar i laget.

Årsmøtet gjekk deretter gjennom dei formelle sakene, der både årsmelding og rekneskap for 2025 vart godkjende utan merknader. Økonomien i laget vart vurdert som ryddig og tilfredsstillande.

Eit sentralt vedtak på møtet var å søkje opptak i Norges Amerikanske Idretters Forbund (NAIF). Bakgrunnen er at laget har etablert diskgolfbane på Framnes, og at rugbygruppa allereie har teke opp flaggfotball som aktivitet. Vedtaket vart samrøystes vedteke.

Det vart også orientert om fleire pågåande prosjekt. Mellom anna arbeidet med klubbhus på Sundve, der ein mellom anna har samla inn rundt 40.000 kroner gjennom Spleis. Samstundes vart det gjort greie for utfordringar knytt til anlegget i Årmotslia, der vidare utvikling ser ut til å ta tid.

Når det gjeld medlemskontingent, vedtok årsmøtet å halde denne uendra for 2027, med 250 kroner for enkeltmedlemskap og 500 kroner for familiemedlemskap. Gruppestyra får framleis fullmakt til å fastsetje treningsavgifter.

Val av styre gjekk føre seg utan dramatikk. Isak Hommedal vart attvald som styreleiar, medan Helga Trøen, Anita Halrynjo Lunde og Kennet Remme vart valde som nye styremedlemmer.

Årsmøtet vedtok også budsjett og sportsplan for 2026, samt fleire organisatoriske saker. Møtet vart avslutta utan ytterlegare merknader, og laget går no inn i eit nytt år med klare planar for vidare utvikling.

Beste gut 13 år: Sivert Jordalen

Beste jente 13 år: Tuva Ure Totland

Idrettstipend tildelt Eirik Ulvund

Hordalandspokal og idrettstipend tildelt Guro Blikberg Gjerald 

Terje Hole var takka av etter 5 år som kasserar i hovudstyret