Instruks for rekneskapsføring i Eldar:
For kasserar i hovudstyret:
Innkomande rekningar:
Mottek alle rekningar og sender dei til styreleiar for attestering. Kasserar belastar undergruppa
sin konto med det same rekninga er motteke.
Utgåande:
Sender ut alle rekningar, med unntak av massefakturering.
Kasserar overfører pengane til undergruppa sin konto med ein gong rekninga blir sendt ut.
Duett:
Styreleiar og kasserar i hovudstyret har tilgang. Kasserar sender rekningane til attestering og
styreleiar attesterer.
Billagsføring
Alle billag vert no lagt inn i duett, men kasserar skriv også ut billag og legg det i perm som
ein ekstra tryggleik.
Rekneskapsføring i undergruppene:
Alle innkjøp skal gå via økonomiansvarleg i undergruppa, som vidaresender alt til
kasserar i hovudstyret ([email protected])
Ved innkjøp i skal fylgjande info registrerast:
Eldar IL
Holbygdvegen 361
5713 Vossestrand
Organisasjonsnummer: 976 904 370
Styreleiar: Isak Hommedal
Tlf: 91876590
Innkjøp i butikk
Opplys om at me ynskjer å få det tilsendt som EHF-faktura om mogleg, viss ikkje dei kan det,
ber ein om å få sendt fakturaen på mail-adressa ovanfor.
Når ein har gjort innkjøp i butikk, er det viktig at ein sender ein mail [email protected] der ein
skriv kva som er kjøpt inn og kva undergruppe som har handla.
På Joker Vossestrand og Seimen er alle undergruppene lagt inn med kontoar, så der er det
tilstrekkeleg å gje beskjed kva gruppe det skal førast på.
Private utlegg:
Me ynskjer helst å få det tilsendt på faktura, men stundom kan det vera at ein lyt gjera private
utlegg. Då sender ein kvitteringa til [email protected], skriv kva undergruppe som skal
belastast og bankkontonummeret pengane skal overførast til.
Netthandel
Om mogleg be om faktura på mail og send denne til [email protected] Eventuelt be om EHF-
faktura. Før gjerne opp di eige adresse som mottakaradresse. Om du må legge ut sjølv, sjå
punktet om private utlegg.
Fakturering til medlemmar
Massefakturering står undergruppene for sjølv, då nyttar ein faktureringsverktøyet i
klubbadmin. Dette er rekningar som skal sendast ut til våre eigne medlem, til dømes
treningsavgift, turneringsavgift og liknande. Ta kontakt med hovudstyret om det trengst
opplæring. Når faktura er sendt ut, så gjev økonomisansvarleg undergruppa beskjed om
totalsummen for fakturaen, slik at kasserar i hovudstyret kan overføre dette til undergruppa
med det same.
Etter styrevedtak
Om hovudstyret eller styret i ei undergruppe har fatta vedtak om tildeling av stipend,
reisestøtte og liknande, så vert møteprotokollen billaget for utbetalinga og må sendast til
[email protected] . Send også over kontonummer og namn, så betalar kasserar i hovudstyret
denne utbetalinga.
Innsyn og kontroll
Alle kasserar og leiarar får innsyn i undergruppa sine bankkontoar. Alle i hovudstyret og
kontrollutval har fullt innsyn til alle kontoar og kan sjå alle transaksjonar. For å sjekke kor
mykje pengar ein har på konto, loggar ein seg inn på nettbank bedrift (Ikkje privat!) hjå
www.vossabanken.no. Be styreleiar om tilgang viss du ikkje har får opp kontoane du skal ha
innsyn til her. Merk at det er berre kasserar og styreleiar i hovudstyret som kan gjere direkte
overføringar herifrå.
Budsjett
Med Duett får me nøyaktige tal for kvar undergruppe og det vil difor bli vesentleg enklare å
lage til budsjett for kvar undergruppe. Undergruppene får oversendt resultat frå føregåande år
så snart dette er klart og kan nytte dette til å setje opp eit budsjett for komande år.
Detaljert informasjon om transaksjonar og rapportar
Om du ynskjer å få tatt ut mellombelse rapportar for å sjekke korleis ein ligg ann i forhold til
budsjett, ta kontakt med kasserar eller leiar i hovudstyret for å hente ut dette. Det same gjeld
om du ynskjer å få detaljert informasjon om ein transaksjon utover det du finn i nettbanken.
Alle billag vert lagra i duett.
Vipps
Minimum ein frå kvar undergruppe skal ha tilgang til vipps. For innbetalingar i Vipps, så er
det oppretta ein for kvar undergruppe. Innbetalingar her går direkte til undergruppa sin konto.
Om ein har inntekter utover kiosksal, bør ein lage til ulike kategoriar slik at inntektene blir
ført på riktig post i rekneskapen. Treningsavgift og medlemskontingent skal ikkje betalast inn
på vipps, då må klubbadmin nyttast.
Påmeldingar til cupar og turneringar osv.
Økonomiansvarleg i undergruppa sender over fakturaer til kasserar i hovudstyret, evnt EHF
faktura der det er råd å nytte. Skal medlemmane betale turneringsavgifta sjølve, så fakturerer
økonomiansvarleg i undergruppa dette i klubbadmin (sjå eige punkt).
Dommarrekningar
Økonomiansvarleg sender over rekningane for dette til kasserar i hovudstyret. Send det til [email protected]
Betalingar til utlandet:
Ved større innkjøp, må du ta kontakt med styreleiar. Ved mindre innkjøp føl du retningslinene
for private utlegg.